ШҚО-да волейболдан облыстық турнир аяқталды

8Ұлан ауданында 2002-2003, 2004-2005 ж.т. қыздар арасында спорт ардагері Азамат Жакуповты еске алуға арналған волейболдан облыстық турнир өз мәресіне жетті.
Дәстүрлі жарыс биыл төртінші мәрте өткізілді. Сайысқа 10 командадан барлығы 130 спортшы қатысты. 2002-2003 ж.т. қыздар арасында «Спортта дарынды балаларға арналған Шығыс Қазақстан облысының мектеп-интернаты» турнир жеңімпазы атанды, 2 орынға – Абай ауданының волейболшылары ие болса, Жарма ауданының волейболшылары жүлделі 3 орын иеленді. 2004-2005 ж.т. қыздар арасында да тұғырдың биігіне – «Спортта дарынды балаларға арналған Шығыс Қазақстан облысының мектеп-интернаты» көтерілді, 2 орынға – Абай ауданының құрамасы табан тіресе, Ұлан ауданының волейбол ұжымы тұғырдың 3-ші сатысына көтерілді. Жарыс жеңімпаздары мен жүлдегерлеріне мараппаттау қағаздары, медальдар және бағалы сыйлықтар табысталды. Айта кетейік, волейбол турнирінің өтуіне демеушілік танытқан – Азамат Жакуповтың достары және жерлестері болып табылады.
5
3